Viðkomandi við kommunalari nýskipan

Fíggjarstøðan hjá kommununum er misjøvn, og nøkur óvanlig viðurskifti gera seg galdandi í kommunala geiranum. 

Tað heldur Búskaparráðið.

Búskaparráðið sigur í heystfrágreiðingini, at Tórshavnar kommuna tykist at vera í eini serstøðu. 

Inntøkurnar hjá høvuðsstaðarkommununi eru so stórar, at kommunan kann leggja pening til viks.

Tað hevur við sær politiskt trýst á kommununa um at gera íløgur, tí peningur verður ikki kravdur inn í skatti at goyma. 

Raðfestingin av kommunalum íløgum kann í slíkari støðu gerast tilvildarlig, sigur Búskaparráðið. 

Hin møguleikin er at lata peningin fara til kommunala útjavning, tað er at lata øðrum kommunum pening, ella at lækka skattaprosentið. 

Tí er viðkomandi við einari kommunalari nýskipan, skrivar Búskaparráðið.