Harmonikustoytur á Marknagilsvegnum

Ein harmonikusamanstoytur var á Marknagilsvegnum í Havn í ferðsluni í morgun.

Tríggir bilar fingu skaða í óhappinum, og ein persónur fór á skaðastovuna til kanningar. Annars hendi eingin fólkaskaði í óhappinum.
  
Bilarnir komu frá Velbastaðvegnum og koyrdu niðaneftir  Marknagilsvegnum.  Óhappið hendi á vegamótinum Marknagilsvegur/Landavegur.

Teir báðir fremstu bilarnir steðgaðu, tá ferðslan steðgaði, men tað varnaðist triði bilurin ikki, og rendi inn í bilin frammanfyri, sum so rendi á fremsta bilin.

Teir aftastu bilarnir fingu somikið stóran skaða, at sløkkiliðið varð boðsent at flyta teir av vegnum.