- Tíðindi, mentan og ítróttur
Ikki stór skuld í Føroyum
![](https://kvf.fo/sites/default/files/styles/grein-ovasta-mynd/public/mentunarhus_a_eidi.jpg?itok=zjetim-s)
Skuldin hjá føroyskum húsarhaldum og vinnufyritøkum er ikki stór, sammett við privata skuld í øðrum londum í Vesturheiminum.
Tað stendur í búskaparfrágreiðingini, sum varð løgd fram saman við fíggjarlógaruppskotinum fríggjadagin.
Bruttoskuldin hjá føroyskum húsarhaldum kann metast til umleið 55 prosent av brottotjóðarúrtøkuni. Bruttoskuldin hjá húsarhaldum í Danmark og Noregi er til samanberingar væl omanfyri 100 prosent av BTÚ, og skuldin hjá húsarhaldum í Íslandi er 75-80 prosent av BTÚ, stendur í frágreiðingini.
Út frá hesum heldur Fíggjarmálaráðið, at framgongdin í búskapinum síðstu árini helst hevur verið haldfør, og at hon hevur verið grundað á vaksandi framleiðslu og vaksandi inntøkur, heldur enn at vera lánifíggjað framgongd.