- Tíðindi, mentan og ítróttur
Oddfríður Marni vann bókhandlaravirðislønina
Oddfríður Marni vann bókhandlaravirðislønina
Oddfríður Marni Rasmussen fekk virðislønina fyri skaldsøguna "Ikki fyrr enn tá".
Mynd: savnsmynd
24.11.2018 - 15:43
Bókhandlaravirðislønin var latin á bókadøgunum í Norðurlandahúsinum í dag, og hana vann Oddfríður Marni Rasmussen.
Virðislønin er 100.000 krónur, og aftrat henni er ein útgávusáttmáli við Sprotan.
Skaldsøgan er um eina vanlagnu
Bókhandlaravirðislønin verður latin vinnaranum av skaldsøgukappingini, sum bókahandlar í Føroyum skipaðu fyri. Oddfríður Marni Rasmussen vann við skaldsøguni "Ikki fyrr enn tá" . Hon snýr seg um ta vanlagnu, tá makin fær ólekjandi heilakrabba.
Í grundgevingini fyri at lata skaldsøguna fáa virðislønina stendur m.a., at rithøvundurin megnar sera væl at lýsa støðuna hjá einum pari, bæði meðan deyðin skilir tey, og hvussu tilveran er hjá høvuðspersóninum, ið situr eftir.
Nýggjastu sendingar í ÚV
Nýggjastu sendingar í SV