Borgarstjórin á Tvøroyri í feriu

Anita Vibergsdóttir verður borgarstjóri á Tvøroyri í morgin, tá borgarstjórin, Kristin Michelsen, fer í frí.

Hann boðaði frá á býráðsfundinum í gjár, at hann fer í feriu tann 5.desember.

Hann kunngjørdi ikki, hvussu long hendan ferian verður, hóast hann varð spurdur um tað á býráðsfundinum.

Kristin Michelsen hevur heldur ikki upplýst fyri umsitingini hjá býráðnum, hvussu leingi, hann verður í feriu.

Næsti býráðsfundur á Tvøroyri verður 29.desember.