Roykjandi mammur fáa lættari børn

Kvinnur, sum roykja, fáa børn, sum viga minni, tá tey verða fødd, enn børnini hjá kvinnum, sum ikki roykja.

Hetta er staðfest eina ferð enn í ársfrágreiðingini hjá landslæknanum fyri 2017.

78 barnakonur, sum áttu í 2017, søgdu, at tær royktu, tá tær vóru til fyrstu barnakonukanningina.

Miðalburðarvektin hjá børnum, har mamman roykti, var 3440 gramm. 

Hjá teimum, sum ikki royktu, var miðalburðarvektin 3698 gramm, 258 gramm meira.

Í 2016 vóru tølini ávikavist 3560 gramm og 3732 gramm. Í 2016 var munurin tí 172 gramm.