Skeiva Pakkhús skift eigara

Gist & Vist hevur í dag yvirtikið leigumálið í Skeiva Pakkhúsi. Tað váttar Johannes Jensen, stjóri í Gist & Vist. Talan er um eitt fimmára leigumál. 

Tað var síðst í mai, at Leif Sørensen saman við øðrum lat upp matstovu í eyðkenda húsinum, har Valdemar Lútzen hevði kolagoymslu fyrr. Og matstovan hevur havt opið síðani.

Johannes Jensen sigur, at avtalan varð undirskrivað seint seinnapartin í dag og tí fær hann ikki gjørt fleiri viðmerkingar annað enn vátta, at Gist & Vist hevur yvirtikið leigumálið.

Gist & Vist-samtakið eigur eitt nú Hotel Føroyar, Hotel Tórshavn og matstovurnar KOKS, Áarstova, Barbaru og fleiri aðrar.