Herverk á Glasi og Skúlaheiminum

Umfatandi herverk hevur verið gjørt á Glasir og á Skúlaheiminum í nátt. Ein rútur er brotin og fleiri aðrir eru málaðir.

Herverkið var varnast í morgin og løgreglan var boðsend.

Løgreglan hevur verið á staðnum og avhoyrt fólk, men higartil siga teir seg ikki vita hvør hevur framt herverkið og teir frætta fegnir frá fólki, um nakar hevur vitan um hendingina.

Talan er um stórar og dýrar rútar og tí kann tað gerast kostnaðarmikið at skifta teir út har tað er neyðugt.