Vinnulógirnar ikki nóg góð verja

Vinnulógirnar ikki nóg góð verja
Føroysku lógirnar um smápartafeløg og partafeløg verja ikki nóg væl móti skattaundandrátti, hvítvaski og fígging av yvirgangi
Føroysku vinnufelagalógirnar forða ikki fyri, at til ber at fíggja yvirgang.
 
05.02.2019 - 07:09

Føroysku lógirnar um smápartafeløg og partafeløg verja ikki nóg væl móti skattaundandrátti, hvítvaski og
fígging av yvirgangi. Og tað hava millumtjóða felagsskapir varnast.

Føroysku lógirnar skulu tí broytast, so tær eru sum lógirnar í OECD-londunum.

Vinnumálaráðið hevur sent til hoyringar uppskot um at broyta lógina um partafeløg og smápartafeløg og lógina um vinnufyritøkur.

Uppskot er um at strika handhavapartabrøv.

Orsøkin er, at partafelagið ikki, eins og tá talan er um navnapartabrøv, veit, hvør eigarin er. 

Við handhavapartabrøvum hava eigararnir møguleika at vera duldir mótvegis felagnum og almennum myndugleikum. 

OECD hevur víst á, at handhavapartabrøv kunnu verða misnýtt til at dylja eigaraviðurskifti og við hesum til
skattaundandrátt.

Við í altjóða samstarvi

Føroyar eru partur av altjóða samstarvinum Financial Action Task Force, FATF, sum hevur til endamál at stríðast móti hvítvasking og fígging av yvirgangi.

Føroyar og Grønland verða eftirmett í eftirmetingarfrágfreiðingini fyri Danmark. 

Í frágreiðingini fyri 2017 varð viðmerkt, at Føroyar og Grønland hava avmarkaða lóggávu og skipanir til at fyribyrgja hvítvaski og fígging av yvirgangi.

Í føroysku lóggávuni eru ongar reglur um veruligar eigarar, og fyri at fylgja FATF-tilmælunum og fyri at fyribyrgja hvítvaski og fígging av yvirgangi er tørvur á at seta reglur í vinnufelagalógirnar um veruligar eigarar, sigur Vinnumálaráðið.


 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565