Sonja sleppur ikki upp í tingbólkin hjá Tjóðveldi

Sonja Jógvansdóttir, uttanflokkatingkvinna, sum fekk 1.021 atkvøður við seinasta løgtingsval, sleppur ikki upp í tingbólkin hjá Tjóðveldi, hóast hon nú hevur limað seg inn í Tjóðveldi. 

Hetta varð niðurstøðan av fundi í tingbólkinum hjá Tjóðveldi í dag. 

Tað váttar Annita á Fríðriksmørk, forkvinna í tingbólkinum. 

- Rættast er, at tey, ið eru vald fyri flokkin, eru partur av tingbólkinum, staðfestir forkvinnan, sum tó ikki vil seta seg móti, at Sonja Jógvansdóttir sleppur at stilla upp fyri Tjóðveldi við næsta løgtingsval.