Óheppið bara at nevna SEV í lógaruppskotinum

Hví er bara SEV nevnt í greinini um eftirlit í lógini um eltrygd?

Tað er óheppið, sigur Føroya handverksmeistarafelag.

Felagið hevur viðgjørt lógaruppskotið um eltrygd.

Lógaruppskotið heimilar Elnevndini at útveita eftirlit. 

Óheppið

Hetta er í sjálvum sær í lagi, sigur Handverksmeistarafelagið.

Men, sigur felagið eisini, tað er óheppið, at SEV verður nevnt positivt sum tann einasti, sum kann gera hetta eftirlitið. 

Heldur átti at staðið í uppskotinum, at Elnevndin kann við góðkenning landstýrismansins heimila SEV ella øðrum netfelagi at hava eftirlit, sigur Handverksmeistarafelagið.

Felagið sigur, at í øðrum londum er vanligt, at privatar fyritøkur hava hetta eftirlitið.