"League du LOL" flenna ikki longur

Talan er um menn, bara menn, sum í afturlatnum bólki á Facebook høvdu ein bólk, sum teir nevndu "League du LOL", - Láturs-bólkurin. 

Teir hava verið eftir starvsfeløgum í blaðmannaheiminum, - í mestan mun eftir kvinnum, gjøgnum anonymar kontur á Twitter, - teir hava sent skemtisøgur um neyðtøku og myndir av kvinnunum, har tær eru foto-shoppaðar inn í pornografiskan samanhang.

Fleiri kvinnur greitt frá ágangi

Seinastu dagarnar hava fleiri kvinnur almenn greitt frá áganginum frá senior-starvsfólkunum í fronskum miðlum.

Journalistar á vinstrasinnaða blaðnum, Liberation, hava kannað málið um happing, samstundis sum tveir stavsfelagar teirra eru millum teir, sum hava happað kvinnurnar. 

Franski ráðharrin fyri talgild viðurskifti sigur, at menninir, sum hava staðið fyri hesi happing, ikki sita í leiðandi starvi, og vistu ikki, hvørja ávirkan teirra gerðir høvdu á lívið hjá øðrum.