Politistøð fyri 138 milliónir

Bygningsstyrelsen hevur nú gjørt sáttmála við danska byggifelagið Ommen & Møller um at umbyggja og gera eina hædd afturat á gamla BankNordik-bygningin við Húsagøtu í Havn.

Bygningurin skal gerast til politistøð.

Politistøðin verður 3.175 fermetrar. 2.200 fermetrar eru skrivstovur.

Arbeiðið, sum er mett at kosta 138 mió. kr., verður liðugt á sumri næsta ár.

Føroysku feløgini Articon, LM Electric og RenoVent eru við í arbeiðinum sum undirveitarar.

Aðrir undirveitarar eru Kingo Karlsen A/S, B&E Stål A/S og Persolit Stilladsfirma A/S.

Ráðgevar eru Kent Pedersen Arkitektfirma, PB Consult og Landsbyggifelagið.