Meira inn enn út

Innflutningurin vaks og útflutningurin minkaði.

Hagstovan hevur kunngjørt tølini fyri handilin við útheimin í fjør og samanborið tey við tølini í 2017.

Innflutt varð fyri sjey milliardir og 725 milliónir krónur í fjør. Samanborin við 2017 er vøksturin seks prosent, hann er 467 mió. kr. størri.

Størsti vøksturin, 35 prosent, er brennievni, oljan er dýrkað.

Men útflutningurin minkaði. 

Hann var átta milliardir og 30 milliónir í fjør, níggju prosent og 784 mió kr. minni enn í 2017.

Størsta minkingin er uppsjóvarfiskur, 28 prosent í virði.