Strikað í skrásetingini

Garnaskipið Anita er nú strikað í føroysku skipaskrásetingini. Trotabúgvið P/f Seta hevur selt skipið til eitt spanskt reiðarí fyri góðar 17,4 milliónir krónur

Skipið er selt í fríari sølu. Anita hevur ikki verið til fiskiskap síðani á vári 2014, tá skipið fyrst misti ein mann og síðani varð tikið fyri at hava ov nógv gørn.

Garnaskipið Anita liggur í Spania.