VSJ eigur Ársins Útvarpshitt

Í sambandi við Spæl Føroyskt vikuna í Kringvarpinum varð skipað fyri kapping, um hvør føroyskur bólkur ella einstaklingur hevur gjørt Ársins Útvarpshitt í 2018.

Alla vikuna hava fólk kunnað atkvøtt á heimasíðu Kringvarpsins, og leygardagin varð greitt, hvør vinnarin er.

Sangurin "Something Magical" hjá bólkinum VSJ vann við 21 prosentum av øllum atkvøðunum.

Á øðrum plássi endaði Ingi Poulsen við sanginum "Tá ið eg síggi teg".

Útvið 4000 fólk hava greitt atkvøðu hesa vikuna, kappingin hevur verið.

Hetta er fyrstu ferð, at Kringvarpið hevur biðið lurtarar um at velja Ársins Útvarpshitt.