VÍF gav H71 rættin til at velja

Eftir at grundspælið í manshondbólti er liðugt, endaði H71 fremst við besta málmuni, og tí sluppu teir at velja sítt mótstøðulið í hálvfinaluni

0 seconds of 0 secondsVolume 90%

00:00

Solby Christiansdóttir

19.03.2019 - 08:23

Undan síðsta umfari í grundspælinum í bestu hondbóltsdeildini hjá monnum, stóð spenningurin um, hvørt Neistin, VÍF ella H71 endaðu á ovastu rók og harvið kundi vinna sær rættin til at velja sítt mótstøðulið í hálvfinalunum.

Neistin kundi liva við javnleiki móti VÍF fyri at tryggja sær oddasessin, men vestmenningar vildu tað øðrvísi og vunnu stórt.

Neistin, H71 og VÍF endaðu øll á 25 stigum, men H71 var sterkast innanhýsis.

Hoyvíkingar kundu tí sjálvir velja, hvørjum liði teir vilja møta. Og hoyvíkingar valdu VÍF. Tað merkir so, at hin hálvfinalan verður millum Kyndil og Neistan.

Hálvfinalurnar verða spældar soleiðis mikukvøldið, hóskvøldið og sunnudagin.

Dagur	Klokkan	Dystur	Høll
Mikudag 20. mars	20.00	VÍF - H71	Vestmanna
Hósdag 21. mars	20.00	Kyndil - Neistin	á Hálsi
Sunnudag 24. mars	16.00	H71 - VÍF	Hoyvík
Sunnudag 24. mars	18.00	Neistin - Kyndil	á Hálsi