Sjey fólk deyð í atsókn í Kabul

Sjey fólk lótu lív, tá afganska kunningarmálaráðið í Kabul varð álopið. Tað skrivar BBC. Allir fýra álopsmenninir vóru skotnir og dripnir av løgregluni.

Tað var tíðliga fyrrapartin, at ein spreinging var at hoyra í miðbýnum í Kabul. Síðan hildu spjaddir skotbardagar fram í seks tímar, áðrenn tað aftur var friður.

Rørsla frásigur sær ábyrgd

Ein kelda segði, at tað eydnaðist einum av álopsmonnunum at sleppa inn í kunningarmálaráðið í Kabul.

Álopið kom dagin eftir, at tingingar millum afgansku stjórnina og fundamentalistisku Taliban-rørsluna vóru skrædnaðar, men rørslan sigur seg einki hava við atsóknina at gera.  

Fýra sivilfólk og tríggir løgreglumenn lótu lív, meðan átta fólk fingu skaða í álopinum í atsóknini í Kabul.