Felags bíðilistar

Sjúkrahúsleiðslan er samd um, at Klaksvíkar sjúkrahús og Suðuroyar sjúkrahús skulu nýta sama KT-net sum Landssjúkrahúsið, so grundarlag verður fyri at skipa felags visitasjón og bíðilistar.

Tað sigur Sirið Stenberg, landsstýriskvinna, í einum svari til Kristionnu Winther Poulsen, sum hevur spurt um málið.

Sirið Stenberg sigur eisini, at í løtuni situr ein tvørfakligur bólkur og viðger, hvussu viðgerðartrygd kann verða sett í verk í sjúkrahúsverkinum. 

Tilmæli um viðgerðatrygd verður latið landsstýriskvinnuni í næstum.