Heimatænastan bjóðar reingerð fyri pengar

Ov fá starvsfólk í heimatænastuni gera, at Tórshavnar kommununa nú fær privata fyritøku at gera reint hjá fólkapensjónistum.

Býráðið hevur sett hálva millión krónur í fíggjarætlanina fyri 2019 til at gera reint hjá fólkapensjónistum.

Fyri tíggju árum síðani var reingerð við í tænastuni, sum heimatænastan gav teimum, sum búgva heima.

Men so er ikki longur. 

Nú verður so ein roynd gjørd, so teir fólkapensjónistar, sum ikki eru førir fyri at gera reint, kunnu velja reingerð eina ferð aðru hvørja viku, ella eina ferð fjórðu hvørja viku, fyri 300 kr. hvørja ferð.

Royndin verður eftirmett í september.

Tórshavnar býráð viðger málið í annaðkvøld.

Eldranevndin og Fíggjarnevndin hjá býráðnum taka undir við uppskotinum.