- Tíðindi, mentan og ítróttur
Grind í Havn
Grind í Havn
Bátar eru hjá grindini, sum í løtuni er uttan fyri molan
![](https://kvf.fo/sites/default/files/styles/grein-ovasta-mynd/public/grind1_0.jpg?itok=E_Kyx45J)
29.05.2019 - 09:32
Ætlanin er at reka grindina inn í Sandágerð. Springarar eru eisini uppií, sigur Finnbogi Midjord, sýslumaður.
Finnbogi Midjord, sýslumaður, segði í samrøðu í útvarpstíðindunum klokkan 10, at drápið í Sandágerði tá var byrjað.
Mett at vera 150 hvalir
Grindin varð sædd í Nólsoyarfirði um 9-tíðina, og grindin varð hildin at vera stór. Springararanir, sum vóru í bólkinum, vóru riknir úr bólkinum.
– Eg tosaði við ein grindaformann, sum metti grindina at vera umleið 150 hvalir. Nógv fólk og bátar eru við í drápinum, sigur Finnbogi Midjord við útvarpið.
Finnbogi Midjord roknar við, at springarnir, sum vóru í bólkinum, verða riknir inn á Skálafjørðin, her teir verða dripnir.
Nýggjastu sendingar í ÚV
Nýggjastu sendingar í SV