Tvær útigudstænastur í dag

Annar hvítisunnudagur er í dag og eins og seinastu árini verður útigudstænasta í Gundadali. Tað eru prestarnir í Suðurstreymoy, ið skipa fyri gudstænastuni, sum verður klokkan 11. Heri Joensen prædikar.

GHM og Havnar hornorkestur fara at spæla aftur við sálmasanginum og klovnurin Bubu verður til staðar.

Hetta er sjeynda árið, at skipað verður fyri útigudstænastu í Gundadali annan hvítusunnudag. Útigudstænastan plagar at savna nógv fólk - viðhvørt hava fleiri enn túsund fólk verið.

Í Fuglafirði verður skipað fyri útigudstænastu í kirkjulundini, beint við síðuna av kirkjuni.  Fuglafjarðar hornorkestur spælir til sálmasangin, Anne Mette Greve Klemensen, sóknarprestur, prædikar. 

Útvarpið sendir frá útigudstænastuni í Gundadali klokkan 11.