Verri enn so allar ársfrásagnir rættar

Meira enn onnur hvør ársfrásøgn frá smápartafeløgum og partafeløgum er ikki nóg góð.

Skráseting Føroyar hevur gjørt stakroyndir, sum siga tað.

Í 2018 fekk Skrásetingin 2.979 ársfrásagnir, 1.434 teirra vórðu gjørdar uttan grannskoðara.

106 stakroyndir eru gjørdar.

Í 59 prosentum av teimum frásagnunum, sum grannskoðarar høvdu skrivað undir, fann Skrásetingin villur. 

Har eingin grannskoðaraátekning var við, var støðan verri. Har vísti roknskapareftirlitið villur í 70 prosentum. 

Nogv tær flestu villurnar ella manglarnir vóru í bólkinum, sum eitur "feilir og manglar, sum viðvíkja kravdum upplýsingum og notum."