U17 landsliðið vann bólkin

Føroyska U17-landsliðið í hondbólti hevur tryggjað sær fyrsta plássið í Bólki C í European Open-kappingini, sum verður spæld í Svøríki.

Í morgun vunnu Føroyar fjórða dystin á rað við 28-23 sigri á Georgia. Føroyar vóru á odda 16-11 í hálvleikinum.

Toppskjútti hjá Føroyum bleiv Elias Ellefsen á Skipagøtu við tíggju málum. 

Stendur á jøvnum í stigum eru innanhýsis dystirnir avgerandi. Føroyar hava vunnið á bæði Spania og Norra, og tí kunnu tey ikki fáa Føroyar aftur á ovasta plássi.

Bólkasigurin hevur við sær, at Føroyar fáa tvey stig við sær miðumfari, har teir fara í bólk saman við trimum øðrum londum. Vinnarin av tí bólkinum skal spæla finalu. 

U17 landsliðið spælir síðsta dystin í innleiðandi bólkaspælinum seinnapartin í dag klokkan 16.30. Tá er Ísrael mótstøðuliðið.

Norra og Spania møtast eisini seinnapartin. Tann dysturin avgerð, hvør fer víðari sum nummar tvey.

Støðan í bólki C