- Tíðindi, mentan og ítróttur
Hon verður nýggi 007-agenturin
![](https://kvf.fo/sites/default/files/styles/grein-ovasta-mynd/public/lashana.png?itok=HQQdu2pw)
Blaðið Daily Mail hevur havt samrøðu við eina loyniliga keldu, sum veit at siga, at Captain Marvel-stjørnan, Lashana Lynch, tekur við eftir James Bond í nýggja filminum, Bond 25, sum í løtuni verður innspældur.
Lashana Lynch fer ikki at verða nýggi James Bond, men hon tekur yvir loyninavnið 007.
Síðani Daniel Craig, sum er núverandi James Bond, boðaði frá, at hann ikki heldur fram í leiklutinum sum 007-agentur, hava gitingar verið um, hvør fór at verða eftirmaður hansara.
Fleiri hava lagt fram ynski um at ein kvinna kom í leiklutin.
Tað sigst verða Phoebe Waller-Bridge, ið skrivar handritið til nýggja James Bond-filmin, sum hevur tikið avgerð um at lata eina kvinnu spæla leiklutin sum 007-agenturin, skrivar svenska YLE.