Uppboðssøla fyrst í september

3. september verður rætturin at fiska 2.450 tons av svartkjafti seldur. Og 4. september verður rætturin at fiska 3.313 tons av norðhavssild seldur.

Talan er um rættindi, sum skulu brúkast í ár. Uppboðssølurnar eru afturlatnar, og Vørn er uppboðssøluhaldari. 

Fyrsta sølan í 2011

Síðani fyrsta uppboðssølan var í 2011, hevur landskassin selt fyri 588 milliónir krónur á uppboðssølum.

Fyrsta uppboðssølan var í 2011. Síðani var eingin í fýra ár, men síðani 2016 hava uppboðssølur verið hvørt ár.

Higartil eru seld næstan 400.000 tons á uppboðssølu. Miðalprísurin øll fimm árini er 1,48 krónur fyri kilo.