Fleyg sjúka kvinnu av skipi á Landssjúkrahúsið

Bjargingartyrlan hjá Atlantic Airways var í gjárkvøldið eftir einari kvinnu, sum var við ferðamannaskipinum Boudicca.

Skipið bað um hjálp, tí kvinnan skuldi á sjúkrahús. Boudicca var tá 60 fjórðingar í ein útsynning úr Føroyum.

Tyrlan fór eftir kvinnuni og fleyg hana á Landssjúkrahúsið. Tiltakið vardi í tveir tímar.

Boudicca er á veg til Reykjavíkar. Skipið var ikki inni í Føroyum. Boudicca er norskt skip, sum er skrásett á Bahamaoyggjunum.