Maður raktur av høglum

Løgreglan kannar í løtuni ein tilburð, sum fór fram í Klaksvík í gjár, tá ein maður um trý tíðina varð raktur av tí, hildið verður vóru høgl frá byrsuskoti á vágni.

Tað vóru tveir mans í einum báti millum Klaksvík og Ánirnar, ið helst skutu fugl so nær landi, at høglini raktu mannin, sum arbeiddi á kaiini.

Endar kanska við ákæru

Maðurin, sum varð raktur, fekk ikki mein av skotunum, men tilburðurin skal kannast nærri, tí skotið varð so nær landi, at høglini raktu fólk.

Tá løgreglan er liðug við kanningarnar, verður málið latið løgfrøðingum, ið skulu taka støðu til, um teir, ið skutu, skulu ákærast eftir revsilógini.

Teir báðir menninir, ið skutu, vóru í 30-unum og 40-unum, upplýsir Hildur Hentze, vaktleiðari á politistøðini í Havn, fyri Kringvarpinum.