- Tíðindi, mentan og ítróttur
Bað um hjálp, men avlýsti
Bað um hjálp, men avlýsti
Ein einsamallur maður á einum báti á Kaldbaksfirði fekk sjálvur motorin í gongd aftur
Rescue LÍV varð í morgun boðsendur at hjálpa einum smábáti, sum hevði fingið motorsteðg á Kaldbaksfirði. Myndin hevur ikki samband við tilburðin
12.10.2019 - 11:59
MRCC fekk klokkan sjey í morgun fráboðan frá einum smábáti, ið bað um bað um hjálp, tí motorurin á smábátinum varð steðgaður upp.
Bjargingarbáturin Rescue LÍV varð sendur at hjálpa manninum á bátinum, sum var staddur á Kaldbaksfirði, men hetta varð síðani avlýst.
Maðurin, sum var einsamallur umborð á bátinum á Kaldbaksfirði, fekk sjálvur motorin í gongd aftur, og sleipið varð tí av ongum.
Smábáturin var nær landi, tá hann fekk motorsteðg, upplýsir vakthavandi hjá sjóbjargingarstøðini, MRCC, fyri útvarpinum.
Er kopiera
Nýggjastu sendingar í ÚV
Nýggjastu sendingar í SV
