Plátubarrin

TEMAPLÁTAN: 'Terji & Føstufressar', 1990 + eykalag
11-03-2023
Henda útgávan er ein tann mest sjónligi føroyski varðin á tóleikaleið. Nærum øll løgini hava verið spæld nógv síðan 1990, harav tvey dømi eru Ljóðmynd og Kvøld á Tinganesi.

Talan er um ein rættiliga samansettan poppstíl við rokk- og jazzávirkan. Anker Eli Petersen skrivaði flestu tekstirnar, meðan Terji Rasmussen skrivaði bróðurpartin av løgunum. Upptøkan varð gjørd í Havn í september 1989. Vit hava ikki hagtøl fyri plátusølu í Føroyum, men mett verður, at henda plátan er antin tann mest selda, ella í minsta lagi millum tríggjar tær mest seldu album-útgávurnar her á landi.


Manningin var:


Terji Rasmussen, forsangur
Leivur Thomsen, el-og akkustiskan guitar
Magnus Johannesen, tangentar og kór
Arnold Ludvig, bass
Rógvi á Rógvu, trummur og slagverk
Holger Laumann, saxofonir; tenor- og sopran, og blokkfloytu
og Rúna á Heygum, sangari.
Haraftrat spæla Anders Hagberg sopransaxofon (Kvøld á Tinganesi), og Marteen van der Valk slagverk.


Eg, verturin, vil tilmæla dokumentarin, sum Suni Merkistein og Pauli Magnussen gjørdu um hetta verk í 2019: 'Varðar á leiðini: Terjii og Føstufressar' útvarpsdokumentarurin er teldutøkur á:
https://kvf.fo/sending/stakar-sendingar-utvarp?sid=97093


Plátubarrin 11.3.23

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMAPLÁTAN 40, 'Isolation', Toto, 1984
Samanborið við plátuna frammanundan, Toto 4, var hetta ein øðrvisi útgáva. Hon hevur tó sínar perlur; eitt nú 'Endless' og 'Change of Heart', umframt hittið 'Stranger i Town'.
30-11-2024
TEMPLÁTAN 50: 'Stormbringer', Deep Purple, 1974
Kendasta lagið er Soldier of Fortune. Útgávan var eitt stílbrot við funkrokki blandaðum uppí, og tað seinasta Deep Purple verkið í 70'unum við Ritchie Blackmore á gittar.
16-11-2024
TEMAPLÁTAN, 'The Dude', Quincy Jones, 1981
James Ingram og Patti Austin syngja fyri á hesi rútmisku plátu, ið mong meta sum eitt meistaraverk við stórari ávirkan á samtíðarpoppin.
09-11-2024
TEMAPLÁTAN 40: "Reckless", Bryan Adams, 1984
Mest selda albumið hjá Bryan Adams við løgum sum 'Summer of '69', 'Heaven', og 'Run To You'. Adams er eisini tann kanadiski tónleikarin, sum hevur selt flest plátur av øllum.
02-11-2024
TEMAPLÁTAN 40: 'Perfect Strangers', Deep Purple, 1984
'Knocking At Your Back Door' og 'Perfect Strangers' eru hittini á hesi come back útgávu hjá Deep Purple Mark II manningini í 1984. Júst Mark II hevði ikki verið saman í 11 ár.
27-10-2024
PLÁTUBARRIN: Norðkraft bjóðar nýtt rokklag á føroyskum
Sangarin í Norðkraft, Edmund Jacobsen, sigur frá nýggja lagnum, 'Marianna', og gongdini í bólkinum. Haraftrat hoyra vit sjálvt lagið, sum er lurtaravinarligur rokkur.
27-10-2024
TEMAPLÁTAN 40: Tiden er klog, Tøsedrengene, 1984
Hetta er tað mest selda Tøsedrengene albumið, ið hevur løg sum 'Indianer', 'Så gik der tid med det', 'Bruge og bruges', og 'Slip det fri'. Reggaepoppur úr Danmark.
11-05-2024
TEMAPLÁTAN 40: 'Private Dancer', Tina Turner, 1984
Útgávan hevur 'What's Love Got To Do With It', ið var einasta lagið, sum Tina Turner hevði fremst á Billboard Hot 100, meðani sjálvt albumið rakk til nr. 3 á Billboard 200.
04-05-2024
TEMAPLÁTAN: Crowded House, Crowded House, 1986
Tað fyrsta og samstundis mest keypta albumið hjá hesum bólki. Eitt lag, 'Don't Dream It's Over; kann bólkast sum eitt av yvirhøvur stóru poppløgunum í 80'unum
27-04-2024
TEMAPLÁTAN 40: 'Love At First Sting', Scorpions, 1984
Talan er um stóra heimsgjøgnumbrotið hjá týska rokkbólkinum, Scorpions. 'Still Loving You', 'Rock You Like A Hurricane', og 'Big City Nights' eru hittini á plátuni.
20-04-2024
TEMAPLÁTAN 30: 'The Division Bell', Pink Floyd, 1994
'High Hopes' og 'Take It Back' er tvey kend løg frá hesi art-rock útgávu, hvørs reyði tráður er samskifti og trúgvin á, at gott prát kann loysa nógvar millum-manna-fløkjur.
18-04-2024
Táttur í Plátubarrini 7.4.24: Shakin' Stevens hittparada
Spæld verða ellivu av best umtóktu løgunum hjá rock and roll- og poppsangaranum, Shakin' Stevens, sum framvegis er virkin. Hann hevur havt 33 singleplátur á UK Top 40.
11-04-2024