Kjakast um tilfeingisgjald í Degi og Viku í kvøld

<div><br></div><div>Tilfeingisgjald á makreli verður evnið í kjak-partinum í Degi og Viku í kvøld.&nbsp;</div><div><br></div><div>Hóast samgonguflokkarnir í samgonguskjalinum hava avtalað ein avmarkaðan tilfeingisskatt á vinnur, sum kasta serliga nógv av sær, varð spurningurin um tilfeingisgjald á makreli nógv havdur á lofti, tá fíggjarlógaruppskotið var til aðru viðgerð í tinginum í síðstu viku.</div><div><br></div><div>Minnilutin í fíggjarnevndini, Javnaðarflokkurin og Tjóðveldisflokkurin, hevði eitt uppskot um tilfeingisgjald, og løgmaður reisti eisini spurningin. Hann hevur síðani &nbsp;sett ein arbeiðsbólk at fyrireika arbeiðið.</div><div><br></div><div>Johan Dahl, landsstýrismaður í vinnumálum, segði við Útvarpið í dag, at stendur tað til hansara, eigur landskassin at fáa millum 100 og 150 milliónir krónur burtur úr makrelinum í ár. Peningurin skal koma frá tilfeingisgjaldi, men ein uppboðssøla kann eisini koma á upp á tal, sigur hann.</div><div><br></div><div>Jacob Vestergaard, formaður fyri tingmanningina hjá Fólkaflokkinum og fyrrverandi landsstýrismaður í fiskivinnumálum, og Høgni Hoydal, formaður í Tjóðveldi, skfita orð um málið. Beinta Løwe Jacobsen verður vertur í kjakinum.</div><div><br></div><div><i>Mynd: Beinta Løwe Jacobsen verður vertur í kjakinum um tilfeingisgjaldi &nbsp;sjónvarpsstovuni í kvøld</i></div>