Bjarni Djurholm: Landsstýrismaðurin heldur seg ikki til tilmælið

Bjarni Djurholm, løgtingsmaður fyri Fólkaflokkin, vil nú hava at vita, hví Bjørn Kalsø, landsstýrismaður í mentamálum, hevur avgjørt at flyta skipara- og maskinistútbúgvingarnar úr Havn til Klaksvíkar í august næsta ár.<div><br></div><div>Bjarni Djurholm hevur sett Birni Kalsø munnligan fyrispurning, sum væntandi verður svaraður í tinginum mikudagin, tá munnligir fyrispurningar eru á skránni.</div><div><br></div><div>Tingmaðurin hjá Fólkaflokkinum sigur, at avgerðin er tikin, uttan at parlamentariska skipanin er hoyrd í málinum frammanundan. Hann sigur, at Bjørn Kalsø heldur seg ikki til tilmælið um maritimu útbúgvingarnar, sum varð handað Helenu Dam á Neystabø, táverandi landsstýriskvinnu, í 2010. Har verður mælt til, at maritimu útbúgvingarnar og skeið verða skipað í Havn, men at partur av skeiðvirkseminum kann vera aðrastaðni.</div><div><br></div><div>Bjarni Djurholm sigur, at í løtuni eru umleið 300 lesandi á Vinnuháskúlanum í Havn, sum svara til 13 flokkar, meðan umleið 25 næmingar, ein flokkur, lesa til skipara í Klaksvík.&nbsp;</div>