Sjúkrakassagrunnur og tekniskur skúli í tinginum í dag

<div>Pengarnir hjá teimum 11 sjúkrakassunum, sum noyddust at víkja fyri Heilsutrygd, verða viðgjørdir í løgtinginum seinnapartin.</div><div><br></div><div>Tingið skal viðgera uppskotið hjá Karsteni Hansen, landsstýrimanni í heilsumálum, um Sjúkrakassagrunn Føroya. &nbsp;</div><div><br></div><div>Endamál grunsins, sum verður stovnaður í vár, verður at veita stuðul til átøk og verkætlanir, sum kunnu menna heilsuøkið í Føroyum, men sum ikki eru partur av rakstrinum av heilsuverkinum annars. Talan kann vera um gransking og upplýsing.&nbsp;</div><div><br></div><div>Í minsta lagi 25 mió. kr., sum sjúkrakassarnir áttu, fara í grunnin.&nbsp;Sambært uppskoti um viðtøkur fyri grunnin, skal Sjúkrakassagrunnurin eisini kunna seta á stovn eina ískoytisheilsutrygging.&nbsp;</div><div><br></div><div>Men samhaldsfestið í føroyska heilsuverkinum verður ikki fyri bakkasti, hóast tey, sum hava ráð, fara at kunna tekna sína egnu heilsutrygging, heldur formaðurin í Javnaðarflokkinum, Aksel V. Johannsen.</div><div><br></div><div>Serliga nevndarsamansetingin í Sjúkrakassagrunninum forðar fyri tí, sigur hann.</div><div><br></div><div>Sambært uppskotinum um viðtøkur velja fakfeløgini tveir nevndarlimir, Meginfelag teirra Brekaðu velur ein lim, Sjúklingarráðið velur ein lim, Landsfelag Pensjónista velur ein lim og Heilsumálaráðið velur ein lim í nevndina.&nbsp;</div><div>&nbsp;</div><div>Í mesta lagi 15 prosent av fænum hjá Sjúkrakassagrunninum kunnu brúkast til ískoytistryggingina.</div><div><br></div><div><b>Tekniskur skúli</b></div><div><br></div><div>Løgtingið skal eisini viðgera uppskotið um at útbyggja Tekniska skúla í Klaksvík fyri 36 mió. kr.&nbsp;</div><div><br></div><div>Útbyggingin av Tekniska skúla í Klaksvík skal hýsa matvøruútbúgvingum, yrkisútbúgvingum, miðnámsútbúgvingum og maritimum&nbsp;</div><div>útbúgvingum, sigur Bjørn Kalsø, landsstýrismaður í mentamálum.</div><div><br></div><div>Útbyggingin skal vera liðug í 2015 ella 2016.&nbsp;</div><div><br></div><div>&nbsp;</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>