Almennur Eysturoyartunnil verður bíligari enn privatur

<div>Ein undirsjóvartunnil millum Eysturoynna og Streymoynna kann gerast munandi bíligari, um tað almenna eigur og rekur tunnilin.</div><div><br></div><div>Tað sigur Landsverk, sum hevur kannað málið.</div><div><br></div><div>Landsverk hevur gjørt kanningina eftir áheitan frá landsstýrismanninum í innlendismálum, og bæði landsstýrið og løgtingið eru kunnað um úrslitið.</div><div><br></div><div>Fleiri møguleikar eru at skipa ognarviðurskifti og fígging, men munurin á almennum og privatum ognarskapi er stórur, vísir Landsverk á.</div><div><br></div><div>Um eitt privat felag skal eiga og reka tunnilin, uttan at tað almenna á nakran hátt er uppií - eitt nú ikki at veita trygd fyri fíggingini - kann meirkostnaðurin fara at liggja millum 400 og 800 milliónir krónur. Tað veldst um, hvussu høg rentan á eini privatari verkætlan verður.</div><div><br></div><div>Privata tunnilsloysnin kostar sostatt minst 40 prosent meiri enn tann almenna loysnin, sigur Landsverk.</div><div><br></div><div>Um tunnilin skal fíggjast við tunnilsgjaldi, merkir hetta fyri ferðaprísin, at tað fer at kosta 37 krónur og 80 oyru at koyra gjøgnum ein almennan tunnil, meðan prísurin verður 79 krónur við eini privatari loysn - munurin er &nbsp;41 krónur og 20 oyru.</div><div><br></div><div>Landsverk metir eisini, at verður Eysturoyartunnilin gjørdur sum ein almenn loysn, so eru góðir møguleikar fyri at lata tunnilin fíggja ein møguligan Sandoyartunnil. Hetta kann gerast við at seta ferðaprísin á báðum tunlum til 67 krónur.</div><div><br></div><div>Landsverk arbeiðir eisini við tankanum at fíggja tunlarnar við øðrum inntøkum, eitt nú við at leggja eyka avgjald á brennievni og við at hækka vegskattin á øllum akførum.</div><div><br></div><div><br></div><div>&nbsp;</div><div><br></div><div><br></div><div><br></div><div><br></div>