- Tíðindi, mentan og ítróttur
Lívstryggingin og Lív 316 mió. kr. í halli
<p>Samtakið Føroya Lívstrygging og Tryggingarfelagið Lív hevði tilsamans 316 milliónir krónur í halli eftir skatt í fjør.</p><div><br></div><div>Høvuðsorsøkin til vánaliga úrslitið er, at avsetingar til lívstryggingar eru hækkaðar. Uppgerðarrentan er lækkað samstundis sum rentan á fíggjarmarknaðinum er lækkað. Uppgerðarrentan er renta, ið avsetingar fyri lívstryggingarvirksemi verður uppgjørd eftir.</div><div><br></div><div>Tryggingarfelagið Lív, sum teknar tryggingar, hevði góðar átta milliónir kr. í avlopi. Íløguavkastið var góð 10 prosent eftir fyrisitingarkostnað. 14 prosent fleiri tryggingar vórðu teknaðar.</div><div><br></div><div>Í fjør var meginparturin av íløgunum hjá samtakinum í lánsbrøvum. Av tí at rentan á lánsbrøvum lækkaði, hækkaði kursurin, og lánsbrøvini góvu tí 7,5 prosent í avkasti.</div><div><br></div><div><b>Landskassaveðhaldið 530 mió. kr. </b></div><div><br></div><div>Allar tryggingar í samtakinum, sum vórðu teknaðar fyri 1. januar 2000 vórðu teknaðar í móðurfelagnum, Føroya Lívstrygging. 1. januar í 2000 steðgaði nýtekning av tryggingum við landskassaveðhaldi, og síðani eru allar tryggingar teknaðar í dótturfelagnum, Tryggingarfelagnum Lív.</div><div><br></div><div>Seinastu árini er landskassaveðhaldið tikið við í roknskapin. Støddin á veðhaldinum fylgir ásetingunum fyri lívstryggingar. Lága uppgerðarrentan hevur við sær, at avsetingin veksur og harvið eisini landskassaveðhaldið. Við árslok í fjør var landskassaveðhaldið 530 milliónir kr.</div><div><br></div><div>Á ársaðalfundinum bar Jógvan Mørkøre seg undan afturvali, og í hansara stað var Palli Petersen valdur. Hinir nevndarlimirnir vórðu afturvaldir. Teir eru Finn Danberg, Gunnleyg Árnafjall, Kári Petersen og Gunnleivur Dalsgarð.</div><div><br></div>
