- Tíðindi, mentan og ítróttur
Støðan hættislig Sýrialand
<div>Eygleiðararnir hjá ST í Sýrialandi, sum skuldu kanna viðurskiftini kring landið, og um vápnahvíldin frá 12. apríl verður hildin, eru fyribils givnir við sínum arbeiði.</div><div>Norski herovastin, Robert Mood, sum stendur á odda fyri eygleiðarunum, sigur, at støðan í landinum er so hættislig, at eygleiðararnir ikki kenna seg tryggar longur.</div><div>Samstundis tykjast stríðandi partarnir ikki at hava áhuga í at steðga við samanbrestunum.</div><div>- Stríðið er harnað seinastu dagarnar, og tað ger tað ómøguligt at kanna viðurskiftini í landinum, sigur Robert Mood.</div><div>- Stríðið ímillum partarnar herðist, og alsamt fleiri liggja eftirá hjá báðum pørtum. Og ósek sivilfólk, menn, kvinnur og børn, doyggja hvønn dag, sigur norski herovastin.</div><div>ST hevur sent umleið 300 eygleiðarar til Sýria, og tey eru fyribils givin við sínum virksemi.</div><div>Fleiri hundrað sivilfólk, hermenn og uppreistrarfólk hava latið lív, síðani friðarætlanin hjá Kofi Annan, fyrrverandi ST-aðalskrivara, varð sett í gildi í Sýria.</div><div><br></div>
