Føroysku kvinnurnar fingu spennandi EM-lutakast

Føroysku hondbóltskvinnurnar fingu eitt spennandi lutakast til EM-endaspælið í desember.

Mótstøðuliðini, sum komu í Bólk E saman við Føroyum, vóru Frakland, Pólland og Ukraina.

Øll mótstøðuliðini úr potti 1 eru sjálvsagt krútsterk, men har Føroyar kanska høvdu vónað at fingið Svøríki, kom Frakland, sum vann bronsu til seinasta HM-endaspælið.

Góðir ítróttaligir møguleikar

Føroysku kvinnurnar eru kanska betri nøgdar við londini, sum komu úr potti 2 og 4. 

Pólland kom úr næststerkasta bólkinum, og har ber til at fáa eitt gott úrslit. Í øllum førum eydnaðist at sleppa undan Týsklandi, sum vann silvur til HM-kappingina seinast. Harumframt merkir hetta, at Føroyar skulu spæla í Katowice, har U21-landsliðið við monnum vann HM-bronsu síðsta summar.

Úr niðasta bólkinum kom Ukraina, og saman við Grikkalandi var tað kanska ynskimótstøðuliðið.

EM-endaspælið verður leikt í døgunum 3. til 20. desember

Bólkur E

Frakland
Pólland
FØROYAR
Ukraina

Her eru allir bólkarnir til EM-endaspælið:

EM-endaspæl í kvinnuhondbólti