Radio Salt

Radio SALT: Ítróttarborg byggjast á Løðhamri í Vági
16-04-2026
Ítróttarháskúlin í Suðuroy hevur ongantíð havt sínar føstu undirvísingarkarmar, men hetta skal verða øðrvísi í 2030. Arkitektakapping hevur verið um nýggjan skúla. MAP vann.

Ítróttarháskúlin í Suðuroy hevur ongantíð havt sínar føstu undirvísingarkarmar, men hetta verður øðrvísi í 2030. Arkitektakapping hevur verið um nýggjan skúla, har MAP arkitektar vunnu 1. virðisløn. Sambært stjórananum, Miriam Norðberg, verður tað eisini uppskotið hjá MAP, sum byggjast skal eftir.

Talan er um ein stóran bygning niðri við sjóvarmálan á Løðhamri í Vági, sum í fiskivinnuhøpi er rættiliga søguligur. Beint við er eitt fiskastykki varveitt og fleiri toftir standa eftir ymisk hús. Framsíðan av skúlanum hevur nógv glas, og í sjálvum sjóvarmálanum verða bæði hitastova og brúgv.

Miriam Norðberg hevur gjørt eitt stórt arbeiði at røkka so langt við ætlanini, har ein stórur norðurlendskur grunnur er viðspælari.

Jákup Magnussen tosar við Miram Norðberg um ætlanina. Radio SALT 15. apríl 2026

 

Radio Salt

Café Salt er eitt slag av kvøldsetu við bæði álvarsomum og skemtiligum innihaldi. Vertir eru Ólavur Rasmussen og Jákup Magnussen.

Radio SALT #1: Kvøldseta á Drelnesi við undirhaldi og frásøgn 15. apríl
Tú kanst hoyra alla útvarpssendingina her. Talan er um prát, skemt, og tónleik, sum Ingi Poulsen spældi og sang.
17-04-2026
Radio SALT: Mammurnar vildu eisini sleppa at rógva
Tær fóru runt landið við børnunum, sum róðu, og hugsaðu, at tær júst tað sama kundu manna ein bát. So tær gjørdu og rógva framvegis, meðan børnini eru givin.
16-04-2026
Radio SALT: Ingi Poulsen við góðum tónleiki og áhugaverdari ætlan
Ingi Poulsen spælir: 'Tá ið eg síggi teg', 'Gjógvará', 'Sama veg', 'Kostbar', 'Leynasand', og 'Onki við at venda við', harav onkur ikki hevur verið spældur alment fyrr.
16-04-2026
Radio SALT: Ítróttarborg byggjast á Løðhamri í Vági
Ítróttarháskúlin í Suðuroy hevur ongantíð havt sínar føstu undirvísingarkarmar, men hetta skal verða øðrvísi í 2030. Arkitektakapping hevur verið um nýggjan skúla. MAP vann.
16-04-2026
Radio SALT: Viberg Sørensen um Tvøroyri í fiskivinnusøgu og nútíð
Viberg Sørensen er av bestu frásøgumonnum. Hann vaks upp í Trongisvági og fór seinni út á Tvøroyri at búgva. Hann er fyrrverandi reiðarin, sum hevur greiðar meiningar.
16-04-2026
Café Salt á Sandi: Hugnalig og skemtilig løta í Virkinum
Kvøldið fyri stóra tunnilsdagin, tá Sandoyggin varð knýtt upp í meginøkið við undirsjóvartunnli, skipaðu KVF og SALT fyri væleydnaðum undirhaldskvøldi heima á Sandi.
22-12-2023
Café SALT: Ruth Smith og paradísið Hvalba
17. mai varð í hesum umfari seinasta Café Salt útvarpssendingini send úr Mentanarhúsinum Salt á Drelnesi. Lista- og filmprát merkti kvøldið, men eisini tónleikur og skemt.
18-05-2023
Café SALT: Útvarpsmaður kannar áhugan fyri tunnli til miðstaðarøkið
SKEMT: Vit eru í Suðuroynni. Eitt tíðindafólk hjá KVF dyrgir eftir útsagnum og áskoðanum í tunnilsmálinum. Hvat heldur vanligi suðuroyingurin, skal Suðuroyartunnilin borast?
24-04-2023
Café SALT lag: 'Tú ert so vøkur' hjá Gundurs Studioorkestri í Trongisvági
Ein poppsangur um eitt óunniligt kærleikssamband.
24-04-2023
Café SALT: 'Einarsson' omanfyri ælabogan
19.4.23: Hetta kvøldið í Café SALT hoyrdu vit á fyrsta sinni duettina 'Einarsson' spæla í útvarpinum. Rættiliga sannførandi bóru tey okkum klassikaran, 'Over the Rainbow'.
23-04-2023
Café SALT: Heilsuskúlin fær enn størri týdning í framtíðini
19.4.23 Samrøðan viðgerð umstøðurnar hjá næmingunum á Heilsuskúlanum í Hovi, her hugsað verður um løn undir útbúgving og vantandi næmingaheim.
21-04-2023
Café SALT: Nýggj uppseting av Karius og Baktus
19.4.23: Í næstum fara Mariann og Birita Johansen at spæla barnaleikin, Karius og Baktus, í Mentanarhúsinum SALT. Tær báðar eru eisini virknar í Suðuroyar Sjónleikarfelag.
21-04-2023