Herurin tikið valdið í Egyptalandi

Herurin tikið valdið í Egyptalandi
Tjóðartingsvalið er útsett, til nýggj grundlóg er gjørd
Hussein Tantawi, høgrumegin á myndini, er leiðari í hernaðarráðnum, sum nú hevur veruliga valdið í Egyptalandi
 
18.06.2012 - 12:16

<p>Herurin hevur tikið valdið í Egyptalandi, og nýggi forsetin noyðist at akta boð frá hernaðarráðnum.</p>

<p>Tað er støðan eftir seinna umfar av forsetavalinum í Egyptalandi um vikuskiftið, skriva altjóða tíðindastovur.</p>

<p>Herurin kunngjørdi í nátt eina fyriskipan um, at hann hevur valdið á landsins fíggjarlóg, og nýggi forsetin fær ikki valdið á herinum. Hernaðarráðið hevur eisini gjørt av, at tjóðartingið skal ikki veljast av nýggjum, fyrr enn nýggj grundlóg er gjørd.</p>

<p>Í veruleikanum verður tað eisini herurin, sum einsamallur ger av, hvussu grundlógin fer at síggja út, skriva altjóða fjølmiðar.</p>

<p><strong>Muslimska brøðralagið vann</strong></p>

<p>Valevnið hjá muslimska brøðralagnum, Mohammed Mursi, hevur kunngjørt, at hann vann forsetavalið um vikuskiftið við 52,5 prosentum av atkvøðunum. Almenna valúrslitið verður ikki kunngjørt fyrr enn mikudagin ella hósdagin.</p>

<p>At forsetin ikki longur hevur valdið á herinum merkir, at tað er formaðurin í hernaðarráðnum, Hussein Tantawi, sum hevur veruliga valdið í landinum. Tantawi var verjumálaráðharri í stjórinini frákoyrda forsetanum, Hosni Mubarak, skriva tíðindastovurnar.</p>

Er kopiera
Nýggjastu sendingar í ÚV
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180