- Tíðindi, mentan og ítróttur
Nýtt orðaskifti um vápnalóg
<div>Hópdrápið í statinum Colorado, ið kostaði 12 fólkum lívið meðan 50 onnur fingu skaða, hevur aftur reist orðaskifti um liberalu, amerikansku vápnalógina.</div><div><br></div><div>Borgarstjórin í New York, Michael Bloomberg, sum er talsmaður fyri at herða vápnalógina, heitir á Barrack Obama, forseta, og republikanska forsetavalevnið Mitt Romney, um at seta vápnalógina á breddan í valstríðnum.</div><div><br></div><div>-Kanska er tíð uppá, at teir báðir, ið ætla at veljast til forseta í USA, nú greiða okkum frá, hvat teir ætla at gera við vápnalógina, sum er ein trupulleiki í øllum landinum, sigur Bloomberg sambært tíðindastovuni AFP.</div><div><br></div><div>Obama hevur higartil hildið fast í grundlógartryggjaða rættin hjá hvørjum einstøkum amerikanara at eiga eitt skotvápn, samstundis sum hann sigur seg vilja gera meira fyri at tryggja, at tey, sum sambært lógini ikki áttu at havt fingið fatur á skotvápnum heldur ikki fáa fatur á teimum. </div><div><br></div><div>Sambært almennu upplýsingunum doyggja 31.500 fólk í USA doyggja árliga av skotvápnum. </div><div><br></div><div>24 ára gamli James Holmes, sum skeyt frá hond í biografinum hóskvøldið, hevði síðstu tveir mánaðirnar keypt fýra skotvápn í lokalum handlum, umframt meira enn 6000 kúlur, flestar bílagdar umvegis internetið. </div><div><br></div><div><br></div><div><br></div><div><br></div><div><br></div><div><br></div>
