Orban er í øðini

Forsætisráðharrin í Ungarn, Viktor Orban, sigur, at andstøðan hevur sett í verk "skipaðar royndir" at órógva valið, sum verður sunnudagin.

Orban, sum er tann forsætisráðharrin í Ungarn, sum hevur sitið longst, stendur fyri stórari avbjóðing. 

Sambært meiningakanningum fara hann og Fidesz-flokkurin helst at tapa fyri avbjóðaranum, Peter Magyar og flokkinum Tisza.

- Mótstøðumenn okkara halda seg ikki aftur at taka valdið, sigur Orban í einum videobroti á sosialu miðlunum.

Samstarva við útlendskt vald

Hann skuldsetir andstøðuna fyri bæði at samstarva við útlendsk vald, og fyri at hótta Orban-veljarar við harðskapi.

- Hetta er ein skipað roynd at nýta ruðuleika, trýst og altjóða útspilling til at undirgrava viljan hjá ungarska fólkinum, sigur hann.

Orban er sjálvur ákærdur fyri umfatandi atkvøðukeyp og fyri at leggja trýst á fólk á ymsan hátt at atkvøða fyri Fidesz-flokkinum.

Stýrt við jarnharðari hond

Orban hevur fingið alsamt størri jarntak á Ungarn hesi 16 árini, hann hevur stýrt. 

Fyrr í hesi vikuni fekk hann eisini hjálp í valstríðnum frá USA og varaforsetanum, J.D.Vance, sum kom til Budapest, og luttók á fleiri veljarafundum.

Hóast hetta hevur andstøðuflokkurin Tisza størri undirtøku í veljarakanningunum, og hevur varðveitt eina leiðslu uppá umleið 10 prosent, skrivar NTB.