- Tíðindi, mentan og ítróttur
Kommunurnar høvdu avlop
<div>Í alt høvdu kommunurnar 28,9 milliónir krónur í avlopi í ársroknskapinum fyri 2011. Árið fyri var avlopið 24,1 milliónir krónur.</div><div><br></div><div>Tað vísir eitt yvirlit hjá Fíggjarmálaráðnum yvir ársroknskapirnar hjá føroysku kommununum fyri 2011.</div><div><br></div><div>Tvey tey seinastu árini hava sostatt verið hampiliga góð fíggjarliga hjá kommununum. Í 2009 høvdu kommunurnar eitt rættiliga stórt hall tilsamans, nevniliga 169 milliónir krónur.</div><div><br></div><div>Og væntandi fer árið í ár eisini at geva reyð tøl á botnlinjuni. Fíggjarmálaráðið sigur, at kommunurnar í ár væntandi fara at hava 74 milliónir krónur í halli.</div>
