- Tíðindi, mentan og ítróttur
Kæran um festið í Fámará longd eina viku
<div>Tað er advokaturin, Jens Andrias Vinther, sum seldi festið fyri Búnaðarstovuna, ið hevur biðið um at fáa freistina longda.</div><div><br></div><div>Johan Dalsgaard, sum býr í Fámara, hevur kært til Fiskimálaráðið. Hann krevur, at málið um Fámara verður tikið frá Búnaðarstovuni og latið øðrum stovni at avgreiða. Harafturat at festið ikki verður selt Árna Brattaberg. </div><div><br></div><div>Fiskimálaráðið hevur givið kæruni steðgandi virknað. </div><div><br></div><div>Fútarætturin er eisini tikin við upp í kærumálið um festið í Fámara.</div><div><br></div><div><b>Sølan ganga umaftur</b></div><div>Thorkild Høyer, advokatur, sum hevur kært fyri Johan Dalsgaard, krevur, at sølan, ella uppboðið, skal ganga umaftur.</div><div><br></div><div>Sambært advokatinum var mannagongdin skeiv í báðum førum, tá festið í Fámara varð lýst til sølu á uppboði. Tí eigur sølan at ganga umaftur, sigur hann.</div><div><br></div><div>Hendan partin av kæruni viðger Fiskimálaráðið ikki, tí hann er uttan fyri málsræðið hjá Fiskimálaráðnum. Eftir at hava spurt seg fyri í Innlendismálaráðnum hevur Fiskimálaráðið sent kæruna um uppboðssøluna til Fútarættin. </div><div><br></div><div>Kæran vísir til kunngerð frá 1936 um uppboðssølur í Føroyum. Sambært teirri kunngerðini skulu kærur um uppboðshaldarar sendast løgmálaráðharranum umvegis Fútarættin.</div>
