Vápnahvíldin lættir trýstið á oljuprísin - annars verður størri inflatión

14 daga vápnahvíldin millum USA, Ísrael og Iran lættir trýstið á oljuprísirnar, í øllum føri fyribils.

Oljan er annars dýrkað meira enn ein triðing, síðani kríggið brast á 28.februar. Orsøkin er fyrst og fremst, at umleið 20 prosent av heimsins olju verða flutt gjøgnum Hormuz-sundið, sum Iran hevur stongt.

- Verður oljuprísurin ikki trýstur niðuraftur, so kunnu vit óttast økta inflatión, sigur Malan Johansen, stjóri í Landsbankanum:

Gunnar Mohr, PM heilsøla

Gongdin við hækkandi oljuprísum, síðani kríggið brast á, kann skjótt merkja matvøruprísirnar. Gunnar Mohr, stjóri í PM Heilsølu, segði í Degi & Viku í gjárkvøldið, at teirra veitarar longu hava boðað frá príshækkingum:

Príshækkingar á matvøruhillunum gera tað dýrari hjá fólki at liva, eins og tað verður dýrari at fylla tangarnar við olju og bensini. 

Harumframt koma rentuhækkingar, sum kunnu koma sum ein reaktión frá tjóðbankanum fyri at tálma inflatiónini, sigur stjórin í Landsbankanum:

Hormuz-sundið, tangaskip í Hormuz-sundinum

Fyribils er also vápnahvíld galdandi í 14 dagar. Og tað hevur longu lætt trýstið á oljuprísinum á heimsmarknaðinum.

Men verður talan um eitt drúgt kríggj - sum vil avmarka ella heilt steðga flutningin av olju gjøgnum Hormuz-sundið - so kann tað enda við eini størri kreppu, metir Malan Johansen:

Sí eisini: Útlit til dýrkandi matvørur