Assad skal sjúgva sær av landinum í stundini

Amerikanski verjumálaráðharrin er ikki bleytur í orðalagnum, tá hann biður Bashar al-Assad sleppa sær úr Sýrialandi, og tað beinanvegin

Amerikanski verjumálaráðharrin heitir á sýrialendska forsetan, Bashar al-Assad, at taka seg aftur, og sjúgva sær úr Sýrialandi í stundini.

Grækaris Djurhuus Magnussen

31.07.2012 - 16:24

Verjumálaráðharrin í USA,
Leon Panetta, er í løtuni á rundferð í Miðeystri. Fremstu ørindi hansara eru
borgarakríggið í Sýrialandi. Og hann leggur ikki fingrarnar ímillum.Assad er greiður yvir støðuna

- Eg eri vísur í, at Assad
væl veit, at hann hevur trupulleikar, og at tað bert er ein spurningur um tíð,
til hann noyðist at leggja frá sær, segði Leon Panetta í einari samrøðu við CNN
í gjár. Panetta var tá staddur í Tunis.

- Eg meti, at um hann ætlar
verja seg sjálvan og familjuna, skal hann sjúgva sær út av landinum í stundini,
sigur amerikansk verjumálaráðharrin.