- Tíðindi, mentan og ítróttur
Áttu at handtikið Breivik fyrr
<p>Anders Behring Breivik átti at verðið handtikin fyrr.</p><div><br></div><div>Tað er ein av niðurstøðunum í frágreiðingini, sum ein serlig nevnd hevur skrivað um hendingarnar í Oslo og Utøya 22. juli í fjør. Í frágreiðinigni stendur eisini, at forðað kundi verið fyri atsóknini á stjórnarbygningin í Oslo.</div><div><br></div><div>Tilbúgvingarmanningin visti ikki, hvat Utøya lá, og í staðin sigldi hon í gummibáti til grannaoynna Geitøya. </div><div><br></div><div>Forkvinnan í 22. juli-nevndini, Alexandra Bech Gjørv, sigur, at fregnartænastan hjá løgregluni átti eisini at varnast Anders Behring Breivik nógv fyrr, so bumbuatsóknin í Oslo kundi verið fyribyrgd.</div><div><br></div><div>Hinvegin rósar nevndin bjargingararbeiðnum og stjórnini fyri at duga væl at samskifta við fólkið.</div><div><br></div><div>Yvirgangsatsóknin í Oslo og á Utøya 22. juli í fjør kravdi tilsamans 77 mannalív. Stjórnin setti stutt eftir nevndina, sum skuldi kanna hendingarnar út í æsir, og í dag kunngjørdin nevndin sína frágreiðing. </div><div><br></div><div><br></div>
