- Tíðindi, mentan og ítróttur
Dømdur fýra ferðir fyri at bróta lóg um rúsevni
<div>Fyri fjórðu ferð varð ein maður fyri einari viku síðani dømdur í Føroya rætti fyri at bróta lógina um rúsevni. Hesa ferð varð revsingin fýra mánaða fongsul. </div><div>Maðurin játtaði seg sekan í saman við tveimum øðrum at hava smuglað 230 gramm av hassji til Føroya, síðani selja 200 gramm og roykja tað, sum eftir var, sjálvur. </div><div><br></div><div>Men hann noktaði at hava verið við til at royna at smugla knappliga 282 gramm av hassji. Tann, sum hevði hassjið innvortis við sær til Føroya, varð tikin á flogvøllinum. Sambært ákæruvaldinum skuldi maðurin, sum varð dømdur í síðstu viku, hava hassjið, tá tað var komið til Føroya, og selja tað her.</div><div><br></div><div><b>Hini ákærdu vitnaðu</b></div><div><br></div><div>Hann noktaði at hava verið við í hesi royndini at fáa hassj á marknaðin í Føroyum, men varð kortini dømdur fyri hetta lógarbrotið eisini. Millum annað, tí at hini ákærdu vitnaðu móti honum. </div><div><br></div><div>Maðurin er tríggjar ferðir áður dømdur fyri brot á lógina um rúsevni, fyrstu ferð í 2004. Annar av hinum báðum, sum tann dømdi arbeiddi saman við um hassj-smuglingina, verður í dóminum hjá Føroya rætti nevndur bakmaðurin. Hesin fekk fimm mánaða fongsulsrevsing í Eystara landsrætti tann 20.august. </div><div> </div><div><br></div>
