Útróðrarmenn krevja nýtt svar um makrelin

Samtakið Sjófeli finst hvassliga at Fiskimálaráðnum fyri makrelkunngerðina. Samtakið ivast í rættatrygdini

Útróðrarmenn finnast hvassliga at Fiskimálaráðnum í spurninginum um makrelin.

17.10.2012 - 14:10

<div>Samtakið Sjófeli, sum umboðar yvir 100 útróðrarbátar og 250 mans, vil hava nýtt svar frá Fiskimálaráðnum, hví útróðrarbátarnir ikki fingu sína egnu makrelkvotu.</div><div><br></div><div>Hóast samtakið søkti tíðliga í vár, kom einki svar fyrr enn fimm mánaðir seinni, og eftir at kunngerðin um makrelfiskiskapin varð lýst, sigur felagið í skrivi til Fiskimálaráðið.</div><div><br></div><div>Sjófeli svaraði aftur, at tað fór at gera viðmerkingar til svarið, og tað hevur samtakið nú gjørt.</div><div><br></div><div><b>Undantaksstøða</b></div><div><br></div><div>Í skrivinum verður sagt, at umsóknin frá Sjófela tók støði í teirri undantaksstøðu, sum botnfiskaveiðan og harvið útróðurin var og er í, at toska- og hýsustovnarnir eru søguliga illa fyri, samstundis sum ørgrynna er til av makreli og øðrum uppisjóvarfiski. </div><div><br></div><div>Í skrivinum sigur Sjófeli, at Fiskimálaráðið  í sínum samskifti úteftir vísir  eina atferð, ið fær ein at ivast í, hvørt borgarin fær ta rættartrygd, sum myndugleikin skal borga fyri í sambandi við málsviðgerð í ráðnum.</div><div><br></div><div>Og so vísir samtakið á fleiri viðurskifti, tað ikki kann góðtaka. M.a. at svarið kom næstan fimm mánaðir eftir umsóknina, at svarið ikki kom fyrr enn rykt varð eftir tí, og at kunngerðin varð lýst meiri enn ein mánað frammanundan.</div><div><br></div><div><b>Farið av haga</b></div><div><br></div><div>Sjófeli sigur tað vera trupult at fyrihalda seg til svarið úr Fiskimálaráðnum, og at síggja til, er ráðið farið av haga í egnari uppfatan av, hvat tað hevur við at gera.  Lógin um vinnuligan fiskiskap skilir ímillum  tvær heilt ymiskar reguleringsskipanir: Regulering innan fyri og uttan fyri fiskidagaskipanina. Hesin skilnaður er knívskorin og er sjálvur ryggurin í lógini, og er - ella hevur í hvussu er verið - avgerandi fyri alla fyrisiting av føroyskari fiskivinnu </div><div>síðani 1994. </div><div><br></div><div>- Tikið saman um, er tað okkara uppfatan, at kunngerðin byggir á skeivar fortreytir. Hettar reisir spurningin, hvørt Fiskimálaráðið  hevur fakliga førleikan, sum skal til fyri at ráðgeva landsstýrismanninum, ella hvørt talan tvørturímóti er um politiskar avgerðir, sum embætisverkið bert - uttan at </div><div>taka sín fakliga leiklut og sína ábyrgd í álvara - av handahógvi hevur lagað til ein hóskiligan løgfrøðiligan búna, sigur Sjófeli m.a. í svarinum til Fiskimálaráðið.</div><div><br></div><div><br></div><div><br></div><div><br></div><div>  </div><div> </div><div><br></div>