- Tíðindi, mentan og ítróttur
Annika letur heiðursgávu fyri eldrarøkt
<div>Síðst í hesum árinum verður fyrsta heiðursgávan latin fyri eldrarøkt.</div><div><br></div><div>Eftir aðalaorðaskiftið í løgtinginum um eldrapolitikkin í gjár kunngjørdi landsstýriskvinnan í almannamálum, at hvørt ár verður latin ein viðurkenning og heiðursgáva fyri gott átak í eldrarøktini. Tað kann vera fyri tænastu, heim ella dagtilhald, sum skara framúr.</div><div><br></div><div>Annika Olsen vónar, at heiðursgávan fer at hava við sær fleiri nýskapandi loysnir í eldrarøktini og skapa eitt meira jaligt alment orðaskifti um eldrarøktina.</div><div>Fyrsta heiðursgávan verður latin síðst í árinum. Óheft fakfólk fara at lata landsstýriskvinnuni í almannamálum uppskot um tey, sum eiga at fáa heiðurin.</div><div><br></div>
