- Tíðindi, mentan og ítróttur
USA: Fleiri hundrað túsund starvsfólk verða send til hús
USA: Fleiri hundrað túsund starvsfólk verða send til hús
Demokratarnir vildu ikki atkvøða fyri fíggjarlógini, tí teir krevja, at skerjingar í heilsuverkinum verða strikaðar
Amerikanska kongressin. Tað eydnaðist ikki at semjast um fíggjarlógina, og tað rakar almenna geiran meint.
01.10.2025 - 14:10
Fleiri hundrað túsund starvsfólk í almenna geiranum í USA verða send til hús, og túsundtals ikki-lívsneyðugar tænastur lata.
Tað verður veruleikin í USA , eftir at demokratarnir og republiknararnir í Kongressini ikki samdust um nýggja fíggjarlóg, áðrenn freistin fór klokkan fimm í morgun okkara tíð.
Demokratarnir atkvøddu í gjárkvøldið ímóti einum uppskoti hjá republikanarunum, sum skuldi tryggja framhaldandi virksemi. Fyri at atkvøða fyri fíggjarlógini, kravdu demokratarnir, at skerjingar í heilsuverkinum verða stikaðar.
Uppskotið fekk tó 55 av teimum 100 atkvøðunum, men neyðugt var við 60 atkvøðum fyri at verða samtykt.
Jacob Krogh, tíðindafólk hjá danska kringvarpinum í USA, lýsir støðuna soleiðis:
01102025_Krogh
Er kopiera
Nýggjastu sendingar í ÚV
Nýggjastu sendingar í SV
